Nýbökuð fléttuð smábrauð

• 1,5 dl volgt vatn
• 25 g ger
• 2 tsk. sykur
• 1 tsk. salt
• 75 g spelthveiti
• 185 g hveiti
• 1 msk. ólífuolía
• 50 g mjúkt smjör
• 1 egg til að pensla með

Aðferð:

1. Leysið gerið upp í vatninu. Bætið sykri, salti, spelthveiti og mestu af hveitinu  út í skálina og hrærið saman á lágum stirkleika í sirka 5 mínútur.
2. Bætið olíu og mjúku smjörinu út í smátt og smátt og haldið áfram að hnoða á lágum hraða þar til deigið er orðið mjúkt. Bætið restinni af hveitinu út í ef deigið er of klístrað. Formið í kúlu og setjið aftur í skálina – setjið rakt viskastykki yfir og látið hefast í skálinni í 15 mínútur.
3. Setjið deigið á borðið með smá hveiti undir og skiptið deiginu í þann fjölda sem þið óskið eftir (sirka 12 stk.)
4. Takið hvern hluta og skiptið í þrennt og rúllið upp í 12 cm langar ræmur. Byrjið að flétta ræmurnar saman í lítil brauð. Endurtakið með restinni af deiginu. Leggið á bökunarpappír á bökunarplötu og látið hefast í 30 mínútur.
5. Hitið ofninnn á 225°C. Penslið brauðin með pískuðu eggi og bakið í ofni í 12 mínútur, þar til gyllt og bökuð í gegn.
6. Látið kólna á rist og berið fram volg og nýbökuð.