Matur | mbl | 20.7.2019 | 19:37

Drykkurinn sem er að gera allt vitlaust í Mosó

mbl.is/Berglind Hreiðarsdóttir

Það er afar mikilvægt þegar viðrar jafn vel og gert hefur í sumar að hámarka stemninguna á pallinum og bjóða upp á vandaðar veitingar sem veita grönnum og gangandi gleði.

Ef einhver hefur fullkomnað þetta listform þá er það Berglind Hreiðars á Gotteri.is og hér er hún með þrjár mismunandi útgáfur af Moscow Mule.

Moscow Mule

Hver uppskrift hér að neðan dugar í 2 könnur/glös

Hefðbundinn Moscow Mule

120 ml Stolichnaya vodka
1 x lime (safinn)
250 ml Stoli ginger beer
Klakar
Fersk mynta og lime-sneið til skrauts

Aðferð:

Fyllið könnuna af klökum til hálfs.
Hellið vodka í könnuna, kreistið lime yfir og fyllið upp í með engiferbjór.
Hrærið saman með röri og skreytið með ferskri myntu og lime-sneið.

mbl.is/Berglind Hreiðarsdóttir

Jarðarberja Moscow Mule

10 stk jarðarber
1 lúka fersk mynta
120 ml Stolichnaya vodka
1 x lime (safinn)
250 ml Stoli ginger beer
Klakar
Fersk mynta og jarðarber til skrauts

Aðferð:

Maukið jarðarber og myntu í blandara.
Fyllið könnuna af klökum til hálfs.
Hellið jarðarberjamauki og vodka í könnuna, kreistið lime yfir og fyllið upp í með engiferbjór.
Hrærið saman með röri og skreytið með ferskri myntu og jarðarberi.

mbl.is/Berglind Hreiðarsdóttir

Bláberja Moscow Mule

125 g bláber
120 ml Stolichnaya vodka
1 x lime (safinn)
250 ml Stoli ginger beer
Klakar
Fersk bláber og limesneið til skrauts

Aðferð:

Maukið bláber í blandara.
Fyllið könnuna af klökum til hálfs.
Hellið bláberjamauki og vodka í könnuna, kreistið lime yfir og fyllið upp í með engiferbjór.
Hrærið saman með röri og skreytið með ferskum bláberjum og lime-sneið.