Hamingjan liggur í þessu dásamlega lasagna með kjúklingi, sveppum og spínati – svo einfalt er það. Þessi útfærsla af lasagne mun veita ómælda hamingju við matarborðið.
Hamingjulasagna með kjúklingi
- 1 laukur
- 2 stór hvítlauksrif
- Ólífuolía
- Salt og pipar
- Handfylli rósmarín
- 500 g sveppir
- 250 g ferskt spínat
- 250 g ferskar lasagnaplötur
Bechamel-sósa:
- 60 g smjör
- 60 g hveiti
- 1 lítri mjólk
- 175 g riftinn Emmental-ostur
- 2 msk. gróft sinnep
- Salt og pipar
Aðferð:
- Sjóðið kjúklinginn í potti í vatni í 15 mínútur. Takið hann upp úr og rífið í sundur.
- Bræðið smjör í potti og setjið hveiti út í og hrærið í. Bætið mjólkinni saman við smátt og smátt á meðan þið hrærið í og látið suðuna koma upp .
- Takið sósuna af hitanum þegar hún byrjar að hitna og bætið ostinum saman við. Smakkið til með sinnepi, salti og pipar. Geymið sósuna í pottinum.
- Saxið lauk og hvítlauk smátt og steikið upp úr olíu á pönnu. Kryddið með salti, pipar og rósmarín.
- Skerið sveppina í bita og steikið á pönnunni. Setjið spínatið út á pönnuna og blandið vel saman. Bætið kjúklingnum saman við og smakkið til með kryddi.
- Hitið ofninn í 200°C og smyrjið eldfast mót.
- Setjið sveppablöndu í botninn og því næst bechamel-sósu og svo lasagnaplötur. Gerið til skiptis og endið á sósu.
- Bakið í ofni í 35 mínútur. Leggið jafnvel álpappír yfir réttinn undir lokin ef hann er farinn að brúnast of mikið. Látið hvíla í nokkrar mínútur áður en borinn fram.