Trylltar kjötbollur í ofni með pasta

Kjötbollur:

• 500 g nautahakk
• ferskt timían
• 1 tsk. hvítlaukssalt
• 1 tsk. paprikukrydd
• salt og pipar
• smjör til steikingar

Tómatsósa:

• 2-3 stór hvítlauksrif, marin
• 2 stórir laukar, saxaðir
• 2 tómatar í dós
• ferskt oregano
• salt og pipar

Annað:

• 2 mozzarella-kúlur
• Pasta

Aðferð:

1. Kjötbollur
2. Blandið kjötinu saman við önnur hráefni og mótið í litlar bollur. Þú ættir að ná 24 bollum. Steikið bollurnar á pönnu með smjöri þar til gegnumsteiktar. Leggið bollurnar til hliðar á disk.

Tómatsósa

1. Notið sömu pönnu  og þú steiktir kjötbollurnar á og steikið lauk og hvítlauk.
2. Hellið tómötunum út á pönnuna ásamt oregano og smakkið til með salti og pipar. Látið tómatsósuna malla á meðan þið hitið ofninn í 200° á blæstri.
3. Setjið kjötbollurnar út á pönnuna með tómatsósunni og hellið síðan í eldfast mót.
4. Rífið mozzarella-kúlurnar í bita og dreifið yfir réttinn.
5. Bakið í ofni í 20 mínútur þar til osturinn er gylltur.
6. Berið fram með pasta.