Þessi uppskrift er svo girnileg að hún ætti að vera skrifuð í hástöfum. Við erum að tala um jalapenjo sem er búið að fylla með rjómaosti og vefja inn í beikon.
Þarf eitthvað meira?
Það er snillingurinn hún Berglind Hreiðars á Gotteri.is sem á heiðurinn að þessari snilld og við segjum bara halelúja!
Fyllt jalapeno
Aðferð:
Skerið jalapeno til helminga og fjarlægið fræin innan úr þeim.
Sléttfyllið með rjómaosti.
Vefjið einni beikonsneið utan um hvert jalapeno og raðið á bökunarplötu.
Bakið í ofni við 200°C þar til beikonið verður dökkt og stökkt (15-20 mín).
Þetta er dásamlegt snarl, smáréttur í veislu eða sem meðlæti með öðrum mat.