Stórkostlegar gulrótarbollur sem henta vel í nestisboxið hjá krökkum og fullorðnum. Þessar eru alveg geggjaðar – nýbakaðar og safaríkar.
Nýbakaðar og safaríkar gulrótarbollur (14 stk)
- 5 dl vatn
- 50 g ger
- 1 dl kaldpressuð rapsolía
- 1 msk. salt
- 2 msk. sykur
- 300 g gróft spelthveiti
- 500 g hveiti
- 3 egg (eitt til penslunar)
- 200 g rifnar gulrætur
- 100 g sólblómafræ
Aðferð:
- Setjið vatn í skál og leysið upp gerið. Bætið olíu saman við ásamt salti, sykri og spelthveitinu.
- Bætið hveitinu út í deigið og haldið áfram að hnoða þar til deigið verður slétt og fínt.
- Setjið deigið til hliðar og látið hefast undir viskastykki á volgum stað í 1 tíma.
- Leggið deigið á borðplötuna með smá hveiti undir og hnoðið örlítið. Leggið aftur í skálina.
- Bætið eggjum, rifnum gulrótum og sólblómafræjum út í skálina og hnoðið áfram. Deigið ætti nú að vera vel klístrað.
- Skiptið deiginu upp í 14 „klumpa“ og leggið á bökunarpappír á bökunarplötu.
- Látið bollurnar hefast á volgum stað í 30 mínútur.
- Ýtið örlítið á deigið þannig að deigið fletjist út.
- Penslið með pískuðu eggi og bakið við 225°C í 15 mínútur.