Matur | mbl | 5.9.2019 | 17:01

Ómótstæðilegt salat að hætti Ellu

mbl.is/Delicious Ella

Jarðskokkar eru algjört sælgæti en margir veigra sér þó við að nota þá. Kannski er það af því að þeir hafa ekki verið algengir hér á landi eða áberandi í hefðbundinni matargerð.

Því ber þó að breyta og það er fátt betra en vel eldað jarðskokkagóðgæti. Hér gefur að líta uppskrift úr smiðju Ellu Mills og hún er algjörlega geggjuð.

Ómótstæðilegir ætiþistlar Ellu

6 jarðskokkar
250 g grænkál, rifið
handfylli af rúsínum
handfylli af ristuðum heslihneturm
sletta af ólífuolíu
1 msk. hlynsíróp
klípa af sjávarsalti

Aðferð:

Stillið ofninn á 180°C og blástur.
Byrjið á því að hreinsa jarðskokkana vel undir köldu vatni. Skerið þá því næst í sneiðar (hvern skokk í 3-4 sneiðar) og setjið í eldfast mót. Sullið ólífuolíu undir og yfir og saltið og piprið.
Bakið í 30-35 mínútur uns þeir eru orðnir stökkir að utan og mjúkir að innan.
Setjið grænkál í eldfasta mótið, saxaðar heslihnetur og rúsínur. Setjið inn í ofn og bakið í 5-10 mínútur.
Setjið jarðskokka og grænkál í stóra skál ásamt heslihnetum og rúsínum. Búið til dressingu með því að blanda saman 1 msk. af ólífuolíu og 1 msk. af hlynsírópi ásamt salti.
Hrærið dressinguna saman við salatið og berið fram.