Bjór getur verið dýr enda lífsnauðsynleg munaðarvara í augum sumra. En við getum öll verið sammála um að 1,2 milljónir séu fullmikið af hinu góða.
Það gerðist þó engu að síður á dögunum þegar Peter Lalor var rukkaður um nákvæmlega þá upphæð á hóteli í Manchester í Englandi.
Lalor pantaði sér enskan IPA-bjór á hótelbarnum og var ofangreind upphæð skuldfærð á herbergið hans. Honum brá eðlilega og vitanlega var um mistök að ræða sem voru leiðrétt eftir nokkra daga.
Hann hafði töluverðan húmor fyrir mistökunum og birti þessa mynd á twitterreikningi sínum.