Komin í nýjar umbúðir

mbl.is/Arna

„AB mjólkin okkar er ein fyrsta varan sem við framleiddum þegar við hófum mjólkurframleiðslu í Bolungarvík fyrir u.þ.b. sex árum og erum við ákaflega stolt og ánægð með þessa vöru, enda er hún að okkar mati með eindæmum góð! Útlit grænu fernunnar hefur haldist það sama frá byrjun en tókum við þá ákvörðun að uppfæra útlitið á fernunni og er nýja ab-mjólkurfernan væntanleg í verslanir á næstu dögum," segir Arna María Hálfdánardóttir, sölu- og markaðsstjóri Örnu, en á næstu dögum birtist ab-mjólkin í nýjum umbúðum.

Nýju umbúðirnar eru sérlega frísklegar og með myndskreytingu sem vísar til meltingarkerfisins og mikilvægi þess að halda því í góðu lagi. Neytendur þurfa því ekki að örvænta þegar þeir finna ekki vöruna sína þar sem hún er enn í kælinum - bara í nýjum búningi.

mbl.is/Arna
mbl.is