Brúðhjón hafa hlotið mikið lof á samfélagsmiðlinum Reddit eftir að mynd af boðskortinu þeirra flaug um netheimana. En yfir 1.000 athugasemdir hafa verið skrifaðar til þessa varðandi boðskortið.

Á boðskortinu er fólk beðið um að svara hvort það ætli að mæta, rétt eins og venjan er. En hjónakornin bættu einnig við í undirskriftinni að ef þú svaraðir ekki fyrir ákveðinn tíma, þá þyrftirðu vinsamlegast að mæta með þinn eigin stól og samloku.

Eins og áður sagt, þá urðu viðbrögðin með þeim skemmtilegri. Einn sagði að þetta væri skothelt dæmi og mæta þá með þægilegri stól en verða á staðnum og mat sem þú velur þér alveg sjálfur. Annar skrifaði að svo lengi sem það væri opinn bar á staðnum, þá væri lítið mál að mæta með sinn eigin stól og samloku. Spurningu var einnig varpað fram í umræðunni hvort þú slyppir þá við að koma með rándýra gjöf þegar þú værir ekki að borða rándýra matinn sem væri á boðstólum.

Boðskortið sem um ræðir og vakið hefur heilmikla athygli á samfélagsmiðlum. mbl.is/reddit/u/koreenalynn

Virkir í athugasemdum! mbl.is/reddit

Tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt