Matur | Morgunblaðið | 28.9.2019 | 10:01

Bláberjapönnukökurnar sem allir elska

mbl.is/Linda Ben

Pönnukökur eru mikið lostæti og fremur fljótgerðar. Það er því bráðsnjallt að vera í ágætist pönnukökuþjálfun til að geta skellt í létt millimál, morgunmat eða kaffi eftir því sem við á. Það er hin eina sanna Linda Ben sem á heiðurinn af þessari uppskrift og henni bregst ekki bogalistin frekar en fyrri daginn.

Bláberjapönnukökur

4 dl haframjöl
1 tsk. lyftiduft
2 egg
1 frekar lítill banani
1 krukka grísk haustjógúrt frá Örnu Mjólkurvörum.
1 tsk. vanilludropar
mjólk eftir þörfum
3 dl fersk bláber

Aðferð:

Setjið öll innihaldsefni fyrir utan mjólkina og bláberin saman í blandara og blandið þar til deig hefur myndast.
Ef deigið er mjög þykkt, bætið þá mjólk út í deigið til að gera það þynnra eftir þörfum, (gott að byrja á 2 msk., hræra og setja svo meira).
Setjið bláberin í deigið og hrærið saman með sleikju.
Setjið deig á pönnu, u.þ.b. ½-1 dl, steikið á hvorri hlið á meðalhita, þar til pönnukakan er bökuð í gegn.