Skoski viskíframleiðandinn Glenlivet hefur þróað sérstaka vískí-púða sem minna um margt á púðana sem notaðir eru fyrir þvottaefni eða sambærilegar vörur og er hugmyndin að púðarnir leysist upp í munni þess sem neytir.

Hugmyndin þykir byltingarkennd og nýmóðins í alla staði og hafa netverjar farið mikinn í að giska á ástæður þessarar nýju „útgáfu“ af viskí. Líklegasta pælingin er sú að verið sé að höfða til þúsaldarkynslóðarinnar sem borði bara avókadó, mat í belgjum og veipi!

Við seljum það ekki dýrar en við keyptum en vonumst að sjálfsögðu til að geta prófað þessa dýrð á næstunni. Þetta gæti jafnvel verið snjöll hugmynd fyrir skot-framleiðendur (þá ekki byssu).

Tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt