Kjúklingapasta sem ærir óstöðuga!

Ljósmynd/Tinna Alavis

Hér er ekkert verið að grínast. Við erum að tala um stökkt beikon, smjörsteikta sveppi og löðrandi ost í einum girnilegasta pastarétt síðari ára. 

Það er engin önnur en Tinna Alavis sem á heiðurinn að þessum stórkostlega rétti. Verði ykkur svo sannarlega að góðu...

‍Kjúklingapasta sem ærir óstöðuga!

Hráefni:

  • 1 bakki kjúklingalundir
  • 1 bréf beikon
  • 500g ferskt pasta ravioli m/osti og spínati frá Pastella
  • 1 bakki sveppir
  • 2 laukar
  • 4 kramin hvítlauksrif
  • 2 lúkur spínat
  • ½ Óðals Tindur frá MS
  • 500 ml rjómi (frá Gott í matinn)
  • ½ Parmesanostur
  • Íslenskt smjör til steikingar
  • Aðferð:

1. Byrjið á því að steikja beikonið þar til það verður fallega brúnt á litinn. Sigtið þá beikonið frá og setjið í skál til hliðar.

2. Steikið kjúklingalundirnar upp úr 50 g af íslensku smjöri þar til eldaðar í gegn. Látið þær kólna og skerið svo í litla bita.

3. Þá er komið að því að steikja sveppina upp úr 50 g af íslensku smjöri, síðan laukinn og að lokum hvítlaukinn.

4. Blandið öllu hér að ofan vel saman.

5. Saxið spínatið mjög smátt og hellið út á pönnuna.

6. Takið fram pott og sjóðið pastað í 3 mínútur. Hellið öllu vatninu af.

7. Bræðið Tind og parmesanostinn í rjómanum í öðrum potti.

8. Setjið pastað út í sósuna og blandið öllu vel saman áður en þið berið réttinn fram.

Ljósmynd/Tinna Alavis
mbl.is
Fleira áhugavert
Fleira áhugavert