Marmarakaka eins og amma gerði hana

Ljósmynd/Berglind Hreiðarsdóttir

Hver elskar ekki gömlu góðu marmarakökuna? Hér kemur uppskrift sem ætt engan að svíkja enda er það engin önnur en Berglind Hreiðars á Gotteri.is sem á heiðurinn að henni. 

Marmarakaka

  • 170 g smjör við stofuhita
  • 190 g sykur
  • 2 egg
  • 250 g hveiti
  • 1 ½ tsk. lyftiduft
  • 150 ml mjólk
  • 2 tsk. vanilludropar
  • 3 msk. bökunarkakó

Aðferð:

  1. Hitið ofinn 180°C.
  2. Þeytið saman sykur og smjör þar til létt og ljóst.
  3. Bætið eggjunum saman við einu í einu og skafið niður á milli.
  4. Blandið saman hveiti og lyftidufti og setjið saman við blönduna til skiptis við mjólkina.
  5. Að lokum fara vanilludroparnir útí og hrært vel.
  6. Setjið um 1/3 af deiginu í vel smurt formkökuform og geymið smá slettu af hvítu deigi í skál (ég set ekki alveg 1/3 því mér finnst gott súkkulaðideigið sé aðeins meira).
  7. Bætið bökunarkakó saman við deigið sem eftir er í skálinni og hrærið vel saman.
  8. Dreifið úr súkkulaðideiginu yfir það ljósa og setjið svo restina af ljósa deiginu yfir í lokin og sléttið úr.
  9. Dragið S-munstur fram og tilbaka með hníf (alveg niður í botn á forminu) og sléttið aðeins aftur.
  10. Bakið í 40-45 mínútur eða þar til prjónn kemur út með smá kökumylsnu, ekki blautu deigi.
Ljósmynd/Berglind Hreiðarsdóttir
mbl.is
Fleira áhugavert
Fleira áhugavert