Matur | mbl | 30.10.2019 | 14:02

Exótísk súpa sem rífur í

Súpur eru það besta fyrir kroppinn í kuldanum. mbl.is/Alt.dk_Maria Warnke Nørregaard

Við heilsum vetrinum og við heilsum þessari yndislegu súpu sem við þurfum sannarlega á að halda þessa dagana. Hér er bragðmikil súpa á ferð sem fyrirbyggir allar kvefpestir sem reyna að komast að á þessum köldu dögum.

Exótísk súpa sem rífur í

1 msk. maísolía
1 lítill laukur, smátt saxaður
1 stórt hvítlauksrif
250 g gulrætur, skornar niður
1 kartafla, skorin í teninga
1 rautt chili, smátt skorið
2 cm nýrifið engifer
1-2 tsk. rautt karrýpúrre
50 g rauðar linsubaunir
¾ - 1 L grænmetis- eða kjúklingakraftur
Salt og pipar

Sterk jógúrt:

2 dl grísk jógúrt, 10%
½ - 1 tsk. kúmmen
Ca. ½ gúrka, rifin niður
25 g grófhakkaðar og ristaðar heslihnetur
2 msk. fersk mynta, smátt söxuð

Annað:

4 heilhveitipítur
1 msk. ólífuolía til penslunar
T.d. kóríander og flögusalt

Aðferð:

Hitið olíu í potti og steikið lauk, hvítlauk, gulrætur og kartöflur ásamt chili og engifer – og hrærið í.
Bætið karrýpúrre út í ásamt linsubaunum og krafti. Látið malla á mjög lágum hita í 30 mínútur.
Blandið vel í súpunni eða maukið og hitið aftur upp. Smakkið þá til með salti og pipar.
Jógúrtdressing: Blandið öllum hráefnunum saman og smakkið til með salti og pipar.