Þessi skemmtilegi réttur er skemmtilega öðruvísi en hann er úr smiðju Maríu Gomez á Paz.is sem segir hann hafa komið einstaklega vel út. Fyrir þá sem hafa gaman af því að prófa eitthvað nýtt er snjallt að bjóða upp á þetta við skemmtileg tilefni enda bæði bragðmikill og spennandi réttur.
„Ég brá því á það ráð að gera útgáfu af þessum rétti sem er bara mín eigin og með tvenns konar fyllingum. Annars vegar með gráðost fyrir þá sem hann elska og hins vegar með hvítlauksrjómaosti og camembert fyrir okkur hin,“ segir María um þennan skemmtilega rétt sem er vel þess virði að prófa.
Fylltar fíkjur vafðar með hráskinku
Fylling 1: Gráðost (fyrir þá sem það vilja, annars næstu ostar í línu fyrir neðan)
Fylling 2: Brie-ostur og 125 g askja af hreinum rjómaosti
Hráskinka (magn eftir hversu margar þið gerið)
2 hvílauksrif marin eða ½ geiralaus hvítlaukur
½ tsk. fínt borðsalt
steinselja
Hnetur til að toppa með:
Vinaigrette:
Aðferð: Ef þið ætlið ekki að nota gráðost byrjið þá á að gera fyllingu 2
Merjið hvítlauksrifin og setjið út í rjómaostinn
Hrærið svo salti og steinselju saman við
Skerið brie-ostinn í þunnar sneiðar
Skerið næst fíkjurnar langsum án þess að taka þær alveg í sundur, leyfið þeim að hanga saman eins og þið sjáið á myndunum
Setjið annaðhvort gráðostinn inn í fíkjuna, fyrir þá sem það vilja, en fyrir ykkur hin setjið þá eina sneið af brie-osti og ½-1 tsk. af hvítlauksrjómaosti
Lokið nú fíkjunni og vefjið hráskinku utan um og stingið tannstöngli þvert í gegnum hana miðja
Raðið í eldfast mót eða bökunarplötu með smjörpappa og stingið inn í 200-210C° heitan ofninn á blástur í 15-20 mínútur eða þar til hráskinkan er orðin stökk og falleg
Meðan fíkjurnar eru inni í ofninum skuluð þið rista hnetur á pönnu, setjið svo hunangið út á hneturnar á pönnunni
Takið hneturnar af og setjið á disk og sáldrið grófu salti strax yfir, gott að hafa vel af því
Stingið hnetum í frysti meðan vinaigrettið er gert klárt
Hrærið öllu saman sem á að fara í vinaigrettið og leggið til hliðar
Þegar rétturinn er til er fallegt að raða fíkjunum á klettasalat og dreypa svo vinaigrettinu yfir og mylja hneturnar ofan á
Gott er að hafa svo vinaigrette og aukahnetur til hliðar við réttinn fyrir þá sem vilja bæta á