Það er fátt spaugilegra en þegar netið fer á hliðina út af kökubakstri sem fer úr böndunum en það gerðist einmitt um helgina í Bretlandi.
Sarah Hardy, eigandi The Edible Museum, birti á Instagram-síðu sinni mynd af kalkún sem reyndist vera kaka með gerviblóði og öllu öðru sem tilheyrir hráum kalkún. Myndin vakti strax hörð viðbrögð og voru menn ekki sammála um hvort kakan væri viðbjóður eða hreinræktað meistaraverk. Helstu mótmælin voru þau að það væri ekki með nokku móti hægt að borða köku — sama hversu gómsæt hún væri — sem liti út eins og dauður fugl.
Það tók Söru um þrjá daga að baka og útfæra kökuna og hefur hún deilt uppskriftinni fyrir þá sem þora að prófa.