Jólabaksturskeppni Matarvefsins fór fram í gær og fór þátttaka langt fram úr væntingum. Gæði kakanna voru líka ótrúleg og niðurstaðan er sú að áhugabakarar landsins séu framúrskarandi flinkir og að ári munum við bæta um betur og stækka keppnina og fjölga flokkunum.

Dómnefndin var skipuð þungavigtarfólki í faginu og má þar nefna Hafliða Ragnarsson og Kristínu Sif á K100.

Dómgæslan tók langan tíma og var smakkað fram og til baka. Margir komu til greina en að lokum var það Sandra Dögg Þorsteinsdóttir sem bar sigur úr býtum.

Að auki voru valdar sex aðrar kökur sem verða allar leystar út með gjöfum eftir helgi en fólkið á bak við þær er:

• Kolbrún Edda Aradóttir með jólaköku með banana, pekan og valhnetum
• Jóhanna Lilja Þórarinsdóttir með jóladraum
• Sóley Árnadóttir með súkkulaðiköku með kasjúhnetum og karamellu
• Heiða María Hannesdóttir með epla-crumble
• Harpa Atladóttir með saltkaramelludraum
• Fjóla Einarsdóttir með flödebollujóladraum

Tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt