Forréttur sem gestirnir munu elska

• 1 gróft snittubrauð
• 2 msk ólífuolía
• 1 stórt hvítlauksrif
• 3 ferskar fíkjur

Ricotta-krem:

• 100 g ricotta
• ½ tsk. sjávarsalt (Norðursalt)
• 2 tsk. ólífuolía

Annað:

• 2 tsk. fljótandi hunang
• 4 stilkar ferskt timían

Aðferð:

1. Skerið snittubrauðið í 12 skífur og penslið hverja og eina með ólífuolíu. Steikið á báðum hliðum á heitri pönnu, þar til gylltar og stökkar.
2. Skerið hvítlaukinn til helminga og nuddið brauðið með hvítlauknum.
3. Hrærið ricotta ostinum saman við salt og ólífuolíu í skál.
4. Skolið fíkjurnar og skerið í 4 hluta.
5. Smyrjið ricottakreminu á brauðið, leggið fíkju ofan á og dreypið  hunangi yfir. Leggið á disk eða bakka og skreytið með ferskum timían greinum og kryddið með smá salti.