Dásamlegur kjúklingapottréttur (fyrir 4)

• 500 g kjúklingabringur
• 1 laukur
• 250 g brúnir sveppir
• 1 papríka
• 2 msk. ólífuolía til steikingar
• 1 msk. papríkukrydd
• 1 tsk. timían
• 1 msk. tómatpuré
• 2,5 dl grænmetiskraftur
• 1 bakki cherry tómatar
• 2 dl rjómi
• 1 msk. eplaedik
• ½ tsk. sykur
• Salt og pipar

Annað:

• 4 dl hrísgrjón
• Handfylli steinselja

Aðferð:

1. Skerið kjúklinginn í strimla.
2. Skerið laukinn í þunnar ræmur, papríkuna í strimla og skerið sveppina til helminga.
3. Steikið kjúklinginn upp úr olíu í potti og leggið til hliðar.
4. Steikið lauk, sveppi og papríku í pottinum í 2-3 mínútur. Setjið þá kjúklinginn aftur út í pottinn og kryddið með papríkukryddi og timían. Bætið tómatpuré út á og hrærið vel saman.
5. Hellið grænmetiskraftinum saman við og cherry tómötunum, ásamt rjómanum. Leyfið suðunni að koma upp. Lækkið þá undir hitanum og látið malla í 15 mínútur.
6. Smakkið sósuna til með eplaediki, sykri, salti og pipar.
7. Sjóðið hrísgrjónin samkvæmt leiðbeiningum og berið fram með kjúklingapottréttinum og saxaðri steinselju.