Dúnmjúkar lúxus brauðbollur

• Eitt bréf þurrger
• 5 dl volgt vatn
• 80 g púðursykur
• 50 g bráðið smjör
• Ca. 900-1000 g hveiti
• Salt á hnífsoddi
• 2 stór egg
• 60 g mjólkursúkkulaði
• 60 g marsípan, rifið
• 40 g möndlur, fínt saxaðar
• Appelsínubörkur
• Trönuber

Annað:

• 1 egg
• 1 msk sykur
• 1 tsk. kanill, blandaður saman við sykurinn

Aðferð:

1. Leysið gerið upp í vatni.
2. Setjið sykur, bráðið smjör út í og því næst hveitið í 2-3 skömmtum. Hnoðið vel saman í 10-15 mínútur. Bætið við salti og hnoðið áfram í 5 mínútur.
3. Leggið viskastykki yfir deigið og látið hefast í 1 tíma.
4. Setjið deigið á borðið og búið til holu í miðjunni á því. Sláið eggjunum út í miðjuna ásamt súkkulaðinu, marsípaninu, möndlunum, röspuðum appelsínuberki og trönuberjum.
5. Leggið deigið yfir „holuna“ og notið því næst skæri eða sax til að saxa í deigið og hnoðið því næst saman. Þetta virkar sem ógerlegt verk til að byrja með en krefst dass af þolinmæði.
6. Mótið því næst um 15 brauð og setjið á bökunarpappír á bökunarplötu.
7. Látið hefast í 30-45 mínútur.
8. Penslið bollurnar með eggi og stráið kanilsykri yfir.
9. Bakist við 200°C á blæstri í 15-18 mínútur.