Frönsk rist með seljurótarsalati, reyktum silungi, karsa og piparrót

French toast-eggjablanda

• 1 dl rjómi, 1 dl nýmjólk, 4 heil egg
• 10 rif múskathneta
• salt + pipar

1. Blandið öllu saman og maukið með töfrasprota.

Steikt eggjabrauð (french toast)

• 4 stk. brauðsneiðar
• 400 ml eggjablanda
• 200 g skírt smjör

Setjið smjörið í örbylgjuofn og hitið á hæsta hita uns það bráðnar og skilur sig. Mjólkin ætti þá að vera á botninum og hrein smjörfita sem flýtur ofan á.

Hitið pönnu til að steikja brauðið á og notið skírt smjör til að steikja.

Skerið brauðið í ílanga ferhyrninga og veltið upp úr eggjablöndunni.

Steikið á pönnunni með skírða smjörinu uns brauðið er orðið gullinbrúnt og stökkt báðum megin.

Seljurótarsalat

• 1 dl japanskt majó
• 50 g 36% sýrður rjómi
• 1 tsk. truffluolía
• 10 g sítrónusafi
• ½ seljurót
• 1 dl súrkál

Skrælið og skerið seljurótina í tvennt og rífið niður. Saxið létt yfir súrkálið og blandið svo öllu saman í stórri skál. Smakkið til með salti og pipar eftir smekk.

Silungur

• 400 g flak reyktur silungur

Skerið silunginn í þunnar sneiðar.

Setjið seljurótarremúlaðið ofan á nýsteikt eggjabrauðið, raðið silungnum ofan í salatið, puntið með karsanum (það má vera mikið) og endið svo á því að rífa piparrótina yfir.