Matur | mbl | 9.1.2020 | 5:13 | Uppfært 6:06

Lasagne sem mittismálið kvartar ekki undan

Slengið þessu á borðið! Við erum til í rétti sem þennan allan janúar. mbl.is/Alt.dk_Maria Warnke Nørregaard

Allt sem minnkar mittismálið fer á vikumatseðilinn þessa dagana. Þetta gómsæta lasagne er hreint út sagt það allra besta sem þú býður fjölskyldunni upp á – hollt og frábærlega bragðgott.

Lasagne sem minnkar mittismálið

750 g cherrý tómatar
4 stór hvítlauksrif, marin
2 msk. balsamikedik
Salt og pipar
2 dl fersk basilika, gróflega söxuð
500 g kotasæla
500 g ferskt spínat, gróflega saxað
Lasagneplötur, ferskar
1 kúrbítur
45 g rifinn parmesan

Aðferð:

Hitið ofninn í 200°C á blæstri.
Skerið tómatana til helminga og veltið þeim saman við hvítlauk, balsamikedik, salt og pipar. Setjið í eldfast mót og bakið í ofni í 12-15 mínútur þar til tómatarnir eru orðnir mjúkir.
Hitið spínatið á þurri pönnu þar til það fellur saman.
Blandið bökuðu tómötunum saman við basiliku, spínatið og kotasæluna. Smakkið til með salti og pipar.
Skerið kúrbítinn í þunnar skífur.
Leggið lasagneplötur í botninn á eldföstu móti sem passar í stærðina fyrir sirka 2 plötur í einu.
Setjið 1/3 af fyllingunni í mótið og dreifið kúrbítsstrimlum yfir. Setjið þá annað lag af fyllingunni yfir og lasagneplötur þar ofan á. Því næst kemur restin af fyllingunni, kúrbítsstrimlar og rifinn ostur.
Bakið í ofni í 20 mínútur.
Berið fram og skreytið jafnvel með auka tómötum og ferskri basilikum.

Uppskrift: Alt.dk