Heimurinn er að breytast og ansi margir með honum. Stórleikarinn Robert Downey Jr. tilkynnti það á frumsýningu nýjustu myndar sinnar, Dr. Doolitle, að hann væri orðinn grænmetisæta og með öllu hættur að borða kjúkling.
Eiginkona hans, Susan Downey, staðfesti þessi tíðindi en að öðru leyti ræddu þau mataræði hans ekki frekar. Í sjálfu sér er þetta nauðaómerkileg frétt ef ekki væri fyrir það vaxandi trend að skipta yfir í veganisma en nýjasta dæmið um þetta var þegar Golden Globe-verðlaunin voru afhent um daginn og eingöngu vegan matur var í boði (og íslenskt vatn!).