Einn frægast veitingastaður New York, The Spotted Pig, hefur lokað dyrunum eftir fimmtán ára rekstur og eru margir undrandi yfir endalokum þessa heimsfræga staðar.

Í gær sendi annar eigandi staðarins, Ken Friedman, frá sér yfirlýsingu þar sem hann harmar hvernig fór. Í yfirlýsingunni kom fram að honum hefði ekki tekist að skapa vinnuumhverfi sem væri öruggt og þetta væri það sorglegasta sem hann hefði þurft að gera.

Lokunin fylgir í kjölfarið á dómsátt sem Friedmann gerði við saksóknara í New York vegna ásakana um kynferðislega áreitni og mismunun á vinnustað. Hluti samkomulagsins var að Friedman samþykkti að greiða 240 þúsund dali auk 20 prósenta af hagnaði veitingastaðarins undanfarinn áratug til 11 fyrrverandi starfsmanna sem höfðu ásakað hann um kynferðislega áreitni, mismunum og hefndaraðgerðir að því er fram kemur í New York Times.

Meðeigandi Friedman, matreiðslumeistarinn April Bloomfield, hefur reynt eftir bestu getu að halda því fram að hún hafi ekki haft vitneskju um gjörðir Friedman en viðurkenndi að lokum að hún hefði ekki gert nóg til að stöðva hann.

Ljósmynd/The Spotted Pig

Tengdar fréttir

Erlend veitingahús

Syndsamlegt að horfa á þessa ostadýrð

• Eftirminnilegt síðdegiste með útsýni yfir Sydney höfn
• Beef Wellington á öðru plani
• Sjáðu töfrana gerast þegar eftirrétturinn er borinn fram
• 50 bestu kaffihúsin í London

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt