Góð kjúklingauppskrift er gulli betri og þessi er hreint afbragð svo ekki sé fastar að orði kveðið. Hér erum við með ferskan mozzarella og almenn ítölsk áhrif sett saman á einfaldan en bragðmikinn hátt.
Góður réttur sem klikkar ekki.
Kjúklingabringur með ferskum mozzarella
Fyrir fjóra
- 4 stk. kjúklingabringur
- 1 tsk. þurrkað óreganó
- 1 tsk. þurrkuð basilíka
- 1 msk. ólífuolía
- 2 stk. pressuð hvítlauksrif
- 1⁄3 bolli balsamik-edik
- 2 1⁄2 msk. púðursykur
- 1 1⁄2 bolli kirsuberjatómtar, skornir í tvennt
- 2 stk. stór mozzarellakúla, skorin í sneiðar (1-2 stk.)
- 1⁄2 bolli fersk basilíka
- salt og pipar
Aðferð:
- Hitið ofninn í 210°C.
- Kryddið kjúklingabringurnar með óregangó, basilíku, salti og pipar.
- Hitið olíu á pönnu (sem má fara í ofn, ef þið eigið slíka) og steikið kjúklingabringurnar í um 4 mín. á hvorri hlið. Færið bringurnar yfir á disk og takið mesta vökvann af pönnunni, en skiljið eftir um teskeið á pönnunni.
- Setjið pönnuna aftur á helluborðið og steikið hvítlaukinn í um 1 mínútu. Bætið balsamik-ediki og púðursykri á pönnuna og hrærið saman. Látið sjóða og hrærið reglulega í þangað til sósan þykknar, en þetta tekur bara nokkrar mínútur.
- Setjið kjúklinginn aftur á pönnuna og veltið upp úr balsamikblöndunni. Ef pannan má ekki fara í ofn þarf að færa bringurnar í eldfast mót á þessum tímapunkti.
- Raðið helmingnum af tómötunum í kringum kjúklinginn og bakið í ofni í 30 mínútur viði 210°C, eða þar til kjúklingurinn er eldaður í gegn.
- Takið kjúklinginn út og raðið niðurskornum mozzarella-sneiðum ofan á hann og setjið aftur inn í ofn í um 5 mínútur, eða þar til osturinn hefur bráðnað.
- Takið kjúklinginn úr ofninum og stráið restinni af tómötunum og ferskri basilíku yfir réttinn.
- Ef þið viljið meiri balsamik-gljáa en er á pönnunni/eldfasta mótinu er hægt að búa til auka skammt úr 1/3 bolla af balsamik-ediki og 2 msk. af púðursykri, en gljáann er upplagt að útbúa á meðan kjúklingurinn er í ofninum.