Omnom ástarbollur með hindberja lakkrísmús

Ljósmynd/Omnom

Eins og alþjóð veit er bolludagur handan við hornið og samkvæmt venju skelltu súkkulaðisjeníin í Omnom í eina bollu sem verður að kallast tímamóta enda innblásnar af nýja ástarsúkkulaðinu Lakkrís + Raspberry.

Hægt verður að smakka þessar girnilegu bollur á laugardaginn í verslun Omnom í tilefni af konudeginum. Einnig verður hægt að kaupa einstaka konudagsgjöf í samstarfi við Pastel blómastúdío. Opið milli 12-16

Omnom ástarbollur með hindberja lakkrísmús -  uppskrift

Kex

  • 255 gr smjör, við stofuhita
  • 300 gr ljós púðursykur
  • 300 gr hveiti
  • 1/2 tsk. rauður matarlitur

Aðferð:

  1. Hrærið saman í hrærivél smjör, púðursykur og matarlit þar til létt og ljóst
  2. Bætið við hveitinu í  3x skömmtum
  3. Rúllið út deigið með kökukefli í ca 0.5 cm þykkt og kælið
  4. Stingið út með útstungunarjárni ca 4 cm hring 

Vatnsdeigsbollur - ca. 15 stk.

  • 200 gr vatn
  • 200 gr mjólk
  • 200 gr smjör
  • 5 gr salt
  • 10 gr sykur
  • 200 gr hveiti, sigtað
  • 5 egg

Aðferð:

  1. Hitið ofninn við 180°c
  2. Setjið saman í pott vatn, mjólk og smjör og hitið þar til smjörið er bráðnað, passið að sjóða ekki.
  3. Bætið við salti og sykri.
  4. Að lokum kemur hveitið varlega út í og gott að nota hitaþolna sleikju til að blanda því saman við.  Sláið saman í pottinum þar til deigið er komið með fallegan gljáa og losnar auðveldlega frá. Setjið í hrærivélarskál og hrærið saman
  5. Bætið eggjunum, eitt í einu. Gott er að bæta þeim við á 30 sek fresti.  
  6. Leyfið deiginu að koma saman í vélinni og setjið svo í sprautupoka. 
  7. Festið bökunarpappír á ofnplötu með smá deigi, með því að sprauta í hornin og leggja pappírinn yfir
  8. Sprautið deiginu í 4 cm bollur og gerið ráð fyrir 3 cm bili á milli.
  9. Leggið kexdeigshringin ofan á hverja bollu 
  10. Bakið í ca15-20 mín
  11. Leyfið bollunum alveg að kólna áður þær eru fylltar

Fylling

Omnom Lakkrís-hindberjasúkkulaðimús

  • 125 gr rjómi
  • 20 gr hunang
  • 60 gr Omnom Lakkrís + Raspberry súkkulaði, saxað
  • 250 gr rjómi, kaldur
  • 7 msk hindberjasulta

Aðferð:

  1. Sjóðið 125 g af rjómanum með hunangi og  hellið yfir súkkulaðið, blandið vel með töfrasprota, þar til ein falleg heild
  2. Blandið með 250 gr af rjóma út í
  3. Kælið vel 3-4 tíma
  4. Þeytið, líkt og þið væruð að þeyta rjóma, í hrærivél (passa að ofþeyta ekki) 
  5. Setjið súkkulaðimúsina og hindberjasultuna í sitthvorn sprautupoka
  6. Stingið lítið gat undir hverja bollu, nógu stórt fyrir stútin á sprautupokanum 
  7. Fyllið fyrst með ca 1/2 msk af hindberjasultu og svo með súkkulaðimúsinni þar til alveg full.
  8. Einnig má skera bolluna í tvennt og fylla á gamla mátann
  9. Bollurnar má setja ínn í kælir í 3-5 klst og er best að borða þær samdægurs
Ljósmynd/Omnom
mbl.is