Það er fátt gleðilegra en þegar nýjar afurðir líta dagsins ljós frá grænmetisræktendum hér á landi og hvað þá ef fyrir valinu verður afurð sem flestir hafa lesið um í erlendum uppskriftabókum og tímaritum en hingað til ekki haft aðgang að.

 Hér erum við að tala um rósasalat sem stundum er einnig kallað smjörsalat en á ensku kallast það butter leaf. Nafnið er dregið af útliti þess þar sem lögun blaðanna og myndun salathöfuðsins svipar mjög til rósaknúps. Rósasalatið þykir einstaklega fallegt og þægilegt í meðförum og hefur verið sérstaklega áberandi í lágkolvetna-uppskriftum þar sem það er notað í staðinn fyrir brauðmeti ýmiss konar eins og í taco.

Það eru hjónin Magnús Skúlason og Sigurlaug Sigurmundsdóttir á garðyrkjustöðinni Hveratúni í Laugarási sem rækta þetta fallega rósasalat en þau hófu ræktunina í byrjun árs 2020 og verður það ræktað allan ársins hring í öflugum gróðurhúsum þeirra. Ljóst er að rósasalatið verður kærkomin viðbót við íslenska grænmetisflóru en salatið hefur mjög góðan líftíma og fer vel með öllum mat.

Magnús Skúlason, Sigurlaug Sigurmundsdóttir og starfsfólk

Tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

Nýjar vörur

Girnilegar sumarskálar frá Ísey Skyr Bar

• Kynna nýja bragðtegund á vinsælu súkkulaði
• Nýjasta hamborgaraæðið komið til landsins
• Drykkurinn sem var hannaður fyrir ömmu
• SS með nýja snakkpylsu á markað

» Fleiri tengdar fréttir