Hér er uppskrift úr smiðju Berglindar Hreiðars á Gotteri.is en hún segir að allir í fjölskyldunni hafi elskað hann og sú yngsta, sem sé mikill gikkur, hafi kolfallið fyrir honum.
Spicy tagliatelline
- 500 g De Cecco Tagliatelline
- um 300 g tígrisrækja (lítil) frá Sælkerafiski
- um 300 g skelflettur humar frá Sælkerafiski
- 4 hvítlauksrif (söxuð smátt)
- 3 msk. smjör
- 3 msk. Hunt's-tómatpaste
- 1 msk. Blue Dragon Minced hot chili
- 600 ml rjómi
- 150 ml vatn
- 2 msk. humarkraftur frá Oscar
- parmesanostur
- 70 g Philadelphia-rjómaostur
- 1 msk. ferskt saxað timían
- 1 msk. fersk söxuð steinselja
- 1 tsk. þurrkað óreganó
- Filippo Berio-ólífuolía til steikingar
- salt og pipar
- Skolið og þerrið bæði rækjur og humar, leggið til hliðar.
- Hitið um 2 msk. af smjöri á pönnu og setjið helming hvítlauksins út í og steikið í um eina mínútu.
- Bætið þá rækjunum saman við og því næst humrinum, veltið í örfáar mínútur eða þar til rækjurnar verða bleikar. Takið þá af pönnunni og geymið þar til síðar.
- Bætið nú um 1 msk. af smjöri á pönnuna ásamt smá ólífuolíu og steikið restina af hvítlauknum þar til hann fer aðeins að brúnast.
- Bætið þá tómatpaste, maukuðu chili, rjóma, vatni, humarkrafti, rjómaosti og um 3 msk. af rifnum parmesanosti á pönnuna.
- Hrærið öllu saman þar til ljósbleik og kekkjalaus sósa hefur myndast. Bætið kryddinu þá út í og smakkið til með salti og pipar.
- Sjóðið tagliatelline í 5 mínútur, sigtið vatnið frá og hellið að lokum á pönnuna og hrærið öllu saman.
- Á meðan tagliatelline sýður má bæta humri og rækjum aftur á pönnuna (í sósuna) og setja hvítlauksbrauðið í ofninn (sjá uppskrift hér að neðan).
Hvítlauksbrauð
- 1 x snittubrauð
- Filippo Berio-ólífuolía
- hvítlauksrif
- rifinn ostur
- salt og pipar
Aðferð:
- Skerið snittubrauð á ská í sneiðar (10-12 stk), penslið með ólífuolíu, nuddið með hvítlauksrifi, rífið ost yfir og saltið og piprið örlítið.
- Bakið við 200°C í nokkrar mínútur eða þar til osturinn fer að gyllast.
- Hægt er að bera sneiðarnar fram heilar eða skera þær í tvennt.
Ljósmynd/Berglind Hreiðarsdóttir