Stundum þarf maður bara á góðu kjúklingasalati að halda! Það þarf ekki að vera flókið en kjúklingasalöt eiga það þó sammerkt að þau eru nánast alltaf ljúffeng. Hér kemur uppskrift frá Berglindi Guðmunds á GRGS.is sem ætti engan að svíkja og er merkilega einfalt.
Kjúklingasalat á núll einni
- 700 g kjúklingalundir
- 1/2 rauðlaukur
- 1 box kirsuberjatómatar
- 2 avókadó
- 1 poki klettasalat
- 1/2 rauðlaukur
- Marinering
- 2 msk. hunang
- 4 msk. balsamedik
- 4 msk. ólífuolía
- 3 hvítlauksrif, pressuð
Aðferð:
- Hitið olíu á pönnu og léttsteikið kjúklingalundirnar.
- Hrærið hráefnum fyrir marineringuna saman í skál og hellið út á pönnuna. Eldið þar til kjúklingurinn er steiktur í gegn og kominn með dökka áferð.
- Skerið grænmeti niður og setjið í skál. Látið kjúklinginn þar yfir og endið á að strá fetaosti yfir allt ásamt smá af olíunni.