Breski listamaðurinn Lucy Sparrow er þekktust fyrir að búa til matartengda skúlptúra úr filtefni. Hún heldur sýningar úti um allan heim og matvörurnar hennar seljast eins og heitar lummur.
Sparrow hélt sýningu í Los Angeles þar sem hún stillti fram 31.000 „matvörum“ – og voru þær allar til sölu; allt frá kjúklingabringum yfir í osta og batterí svo eitthvað sé nefnt. Allir ávextir og grænmeti voru með ísaumuðum litlum andlitum en pakkamatur var merktur eins og vera ber í stútfullri verslun. Það hefur án efa verið gaman að rata þangað inn og láta freistast til að fá sér nýstárlega matvöru sem rennur aldrei út á dagsetningu.