Rétt' upp hönd sem væru til í McFlurry núna! Vinsælasti ísinn á McDonalds er ekki svo flókinn í framreiðslu og má auðveldlega útfæra í eldhúsinu heima með einungis þremur hráefnum.

Hvernig er hægt að þakka nægilega fyrir uppskrift sem þessa? Ef þetta á ekki eftir að skora hátt hjá krökkunum á heimilinu, þá mun ekkert gera það. Heimagerða McFlurry-uppskriftin er búin að ferðast hratt um netheimana undanfarið og þá sérstaklega eftir að McDonalds lokaði mörgum útibúum þar ytra vegna Covid-19.

Svona býrðu til McFlurry með Oreo

• 250 ml rjómi
• 216 ml niðursoðin mjólk
• 6 Oreo-kexkökur

 Aðferð:

1. Byrjið á því að setja kexið í poka og mylja það með kökukefli.
2. Blandið saman rjómanum og helmingnum af niðursoðnu mjólkinni. Bætið við mjólk ef blandan er ekki nægilega sæt á bragðið.
3. Bætið kexinu út í og blandið vel saman.
4. Setjið í frysti í 4-5 tíma eða þar til blandan er föst í sér. Forðist að opna frystinn inn á milli.
5. Þegar ísinn er tilbúinn, skreytið þá með kexköku og dýfið skeiðinni ofan í.

Þrjú hráefni er allt sem til þarf í góðan Flurry. mbl.is/Cha Sampan

Heimagerður McFlurry gjörið svo vel. mbl.is/Cha Sampan

Tengdar fréttir

Uppskriftir

Salat vikunnar kemur úr leyndardómsfulla eldhúsinu í Húsó

• Kimchi beikonborgarar með spæsí sósu
• Ferskt og gott rauðrófu carpaccio
• Bananabrauð eins og Telma vill það
• Sara Davíðs býður upp á nýjan vikumatseðil

» Fleiri tengdar fréttir

Kökur & sætindi

Þessi kaka á eftir að fuðra upp af disknum

• Móbergs Massarína á eftir að valda glundroða
• Íslenska rjómatertan í öllu sínu veldi
• Glæsilegur páskadögurður Marentzu
• Ástfangin af því að horfa á aðra baka

» Fleiri tengdar fréttir

• Blogga um frétt