Ekta frönsk bomba með marengs og sítrónukremi

Botn

• 50 g grahamsmjöl
• 125 g hveiti
• Salt á hnífsoddi
• 1 msk. sykur
• 75 g kalt smjör
• 3 msk. mjólk

Sítrónukrem

• Rifinn börkur af 2 sítrónum
• Safi úr 2 sítrónum (1 dl)
• 1½ msk hveiti
• 125 g flórsykur
• 1 dl mjólk
• 3 heil egg
• 3 eggjarauður
• 50 smjör

Marengs

• 3 eggjahvítur
• 150 g sykur
• 1 tsk sítrónusafi

Aðferð:

Botn:

1. Blandið báðum hveitunum saman í skál, ásamt salti og sykri.
2. Skerið smjörið í skífur og smuldrið því í deigið. Bætið mjólk út í og hnoðið vel saman.
3. Klappið deigið flatt saman og pakkið inn í plastfilmu. Setjið inn í ísskáp í 30 mínútur.
4. Rúllið deiginu út í sirka 30 cm hring, á hveitilagt borð. Og leggið deigið í tertuform, 26 cm. Passið að deigið nái að fara upp fyrir alla kanta og skerið afganginn frá. Stingið í deigið með gaffli og setjið í kæli í 30 mínútur.
5. Bakið botninn á 200°C í 20 mínútur. Takið formið úr ofninum og látið alveg kólna.

Sítrónukrem:

1. Pískið saman í potti raspaðan sítrónubörk, sítrónusafa, hveiti, flórsykur, mjólk, egg og eggjarauður. Blandið vel saman og hitið upp að suðu. Skerið smjör í litla teninga og pískið það í kremið.
2. Hellið deiginu á tertubotninn og setjið í kæli.

Marengs:

1. Pískið eggjahvíturnar þar til léttar og loftkenndar.
2. Bætið 4 msk. af sykri og sítrónusafa saman við og pískið áfram þar til eggjahvíturnar eru alveg stífar. Setjið restina af sykrinum út í með skeið og hrærið í. 
3. Setjið marengs blönduna í sprautupoka með stórum stjörnulaga stút, og sprautið litla toppa á kökuna.
4. Bakið í ofni við 250°C í 10 mínútur, þar til marengsinn er orðinn gylltur á lit.