Það er óhætt að segja að veitingahúsabransinn hafi fengið skellinn á þessum kórónuveirutímum. Danski húsgagnaframleiðandinn Brdr. Krüger lætur ekki sitt eftir liggja með nýrri herferð til aðstoðar.

Hér er um að ræða herferð sem þú getur notið góðs af, því með hverri vöru sem þú kaupir af Brdr. Krüger færðu 30% af upphæðinni sem inneign á stærstu og flottustu veitingahúsum Danmerkur – þar á meðal Noma, Relæ og Alouette. Þetta eru allt veitingahús sem prýða hönnun frá Brdr. Krüger. Verðlaunastólinn ARV má til dæmis finna á Michelin-staðnum Noma.

Vegna neyðarástandsins fá veitingahúsin peninginn strax eftir kaup, einmitt þegar mesta þörfin er á. Og þú sem kaupandi færð inneignina í formi gjafabréfs og getur notað þegar þér hentar – fyrir utan að vera kominn með háklassahönnun í hendurnar.

„Þetta er alvarlegt ástand fyrir danska veitingahúsageirann. Við teljum að brautryðjendur okkar í matargerð verði að lifa af þessa tíma. Það mun vera okkur öllum til góðs að fyrirtækin geti haldið áfram að þróa danska matarmenningu, laða að sér ferðamenn og athygli,“ segir meðeigandi fyrirtækisins, Jonas Krüger.

mbl.is/Brdr. Krüger

Tengdar fréttir

Huggulegheit

Svana skreytir með eilífðarblómum og páskaföndri eftir börnin

• Stroganoff að hætti Húsó á vel við í dymbilvikunni
• Bakað lambalæri með bernaise og grænmeti á einfalda mátann
• Gratínerað gnocchi með hakki og ostasósu
• Ómótstæðilegar nýjungar frá FERM Living

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt