Einu sinni gerðist það að kvartanir fóru að berast vegna þess að miðjumolana vantaði í konfektkassa hjá Nóa Síríus.
Þetta þótti hið undarlegasta mál enda var framleiðsluferlið með þeim hætti að handraðað var í kassana áður.
Þegar málið var rannsakað kom í ljós að sökudólgurinn var ung stúlka sem starfaði á konfektlínunni og hafði hún mikið dálæti á miðjumolanum og nældi sér í hann þegar svo lá á henni. Gekk stúlkunni ekkert illt til og hafði ekki áttað sig á því að kaupendur konfektkassanna gætu verið ósáttir við að mola vantaði í kassann.
Þegar sagan var rifjuð upp á dögunum var mikið hlegið enda hefur ýmislegt bráðfyndið átt sér stað í sögu Nóa Síríus.
Myndin tengist fréttinni ekki beint.