Grillaður kjúklingur með vel sterkum maístönglum

Grillaður kjúklingur með spæsí maíisstönglum er algjörlega geggjað!
Grillaður kjúklingur með spæsí maíisstönglum er algjörlega geggjað! mbl.is/Colourbox

Það eru fáir sem standast ilminn frá grillinu yfir sumartímann – enda engin ástæða til annars en að gera vel við sig. Hér færðu uppskrift að grilluðum marineruðum kjúkling með spæsí maísstönglum og parmesan.

Grillveisla með kjúlla og spæsí maísstönglum

  • 6 kjúklingabringur frá Ali
  • 1 rauður chili
  • 2 stór hvítlauksrif
  • 1 sítróna
  • 3 rósmaríngreinar
  • 4 msk. ólífuolía
  • Salt og pipar

Maís

  • 6 maíisstönglar
  • 2 msk. ólífuolía
  • 6 msk. mæjónes
  • 100 g rifinn parmesan
  • 1 tsk. cayenne
  • 2 lime

Aðferð:

  1. Setjið kjötið í poka. Skerið chili í skífur og setjið í skál. Pressið hvítlaukinn í skálina og kreistið safanum úr sítrónunni yfir – og hrærið í. Saxið rósmarín og setjið út í ásamt ólífuolíu, salti og pipar.
  2. Hellið marineringunni í pokann með kjúklingnum og lokið. Nuddið marineringunni í kjúklinginn og látið standa í það minnsta hálftíma eða lengur.
  3. Grillið kjúklinginn á grillinu í 6-8 mínútur á hvorri hlið. Skerið til helminga áður en borið er fram.
  4. Penslið maíisstönglana með olíu og grillið á heitu grillinu í 10 mínútur – snúið reglulega við.
  5. Smyrjið síðan stönglana með mæjónesi og stráið parmesan og cayenne pipar yfir. Kreistið lime safa yfir.
  6. Berið fram grillaðan kjúkling með maíisstönglum.
mbl.is