Risastór eikar-sívalningur er miðpunktur veitingastaðar í Mexíkóborg. Á þessum stað er líka borðað með augunum.

Veitingastaðurinn Tori Tori er staðsettur í Santa Fe hverfinu í Mexíkó og býður upp á japanska rétti. Staðurinn er á jarðhæð í skrifstofubyggingu og geymir einnig litla verslun, þar sem þú getur keypt ýmsilegt sem þarf í japanska matargerð.

Það var Hector Ewrawe Design Studio sem sá um hönnunina og notar hér dökka veggi, loft og gólf – eða 720 fermetrar af dökkum bakgrunni þar sem ljós eikarviður skapar andstöðu á staðnum. Háir glerveggir loka staðinn af og við innganginn er barinn staðsettur ásamt litlu „grab-and-go“ versluninni. Það sem vekur þó mestu athyglina er geómatrískur veggur sem gefur mikla dýpt inn á veitingastaðnum. Innblásturinn í munstrin koma frá hlífðarbúnaði Samurai stríðsmanna, sem samanstóð af mörgum litlum hlutum sem lagðir voru saman. Þar fyrir utan er það stór eikar sívalningur sem trónir heilar þrjár hæðir í húsinu – og geymir hundruði viðarpanela. Undir stóra skúlptúrnum má sjá hringlaga teppanyaki borð þar sem fastagestir sitja í kringum og horfa á kokkana meistara fram réttina eins og þeim einum er lagið.