Albert Eiríksson heldur áfram ferð sinni um landið og á dögunum fór hann á Gránu bistro á Sauðárkróki þar sem hann fann að eigin sögn „besta eftirrétt á Íslandi“.
Þetta eru stór orð og hafa þyngd því Albert er mikill matmaður og hefur smakkað allt milli himins og jarðar. Eftirrétturinn sem hann vísar til er bökuð ostakaka með hindberjum og dulce de leche.
Grána bistro er rekið af landsliðskokknum Kristni Gísla Jónssyni og Söndru systur hans. Staðurinn er til húsa í gamla kaupfélagshúsinu og ef marka má myndir er maturinn upp á tíu!
Bloggið hans Alberts má nálgast HÉR.