Það er gaman að prófa eitthvað nýtt! Hér er alveg ný útgáfa af hinum klassíska rétti chili con carne, nema hér er kjúklingur í aðalhlutverki.
Chili con kjúklingur (fyrir 4)
- 1 stór laukur
- 3 stór hvítlauksrif
- 1 lítill rauður chili
- 1 msk. ólífuolía til steikingar
- 400 g kjúklingur frá Ali – fínt skorinn niður
- 1 msk. paprika (gjarnan reykt)
- 1 tsk. kanill
- ½ msk. kummín
- salt og pipar
- 1 dós hakkaðir tómatar
- 140 g tómatpuré
- 1 grænmetisteningur
- 2 dósir nýrnabaunir
- 30 g dökkt súkkulaði
- 3 msk. rauðvínsedik
Annað
- Kál
- 1 avókadó
- 125 tortillaflögur / tortillakökur
- 1 dl sýrður rjómi, 18%
- handfylli ferskt kóríandar
Aðferð:
- Saxið lauk, chili og hvítlauk og steikið upp úr olíu í potti. Bætið kjúklingnum saman við og kryddi. Brúnið og bætið þá hökkuðum tómötum út í ásamt tómatpuré og krafti. Látið malla í 15 mínútur.
- Skolið baunirnar og bætið þeim út í pottinn. Smakkið til með súkkulaði, rauðvínsediki, salti og pipar.
- Saxið kálið og skerið avókadó í skífur.
- Berið fram chili con kjúkling með salati, avókadó, tortillaflögum, sýrðum rjóma og kóríander.