Geggjaður grillaður þorskur frá Lindu Ben

Ljósmynd/Linda Ben

Fyrst við erum öll grillandi þessa dagana er ekki úr vegi að grilla eitthvað annað en kjöt. Þessi fiskréttur er í frábærri marineringu og ætti engan að svíkja.

Það er engin önnur en Linda Ben sem á heiðurinn að uppskriftinni og eins og aðdáendur Lindu vita þá er allt sem hún gerir dásamlega bragðgott.

Grillaður þorskur í kryddlegi

  • 700 g þorskur
  • ¼ tsk hvítlaukskrydd
  • ¼ tsk engifer krydd
  • ¼ tsk salt
  • ¼ tsk pipar
  • ¼ tsk paprika
  • ¼ tsk kóríander fræ
  • örlítið túrmerik
  • 2-3 msk ólífu olía
  • 1 sítróna

Aðferð:

  1. Byrjið á því að setja saman öll kryddin í skál, setjið ólífu olíu út á kryddið, rífið börkinn af sítrónunni og hrærið saman.

  2. Penslið kryddleginum á þorskinn, á báðar hliðar, það er gott að leyfa kryddinu að marinerast á fiskinum í nokkra klukkutíma ef tími leyfir.

  3. Kveikið á grillinu, notið grillgrind undir fiskinn, smyrjið hana vel fyrst með ólífu olíu. Grillið fiskinn í 4-5 mín á hvorri hlið eða þar til hann er eldaður í gegn.

  4. Kreystið safann úr sítrónunni yfir fiskinn áður en hann er borin fram.

  5. Gott að bera fiskinn fram með fersku salati

Ljósmynd/Linda Ben
mbl.is
Fleira áhugavert
Fleira áhugavert