Matur | mbl | 8.7.2020 | 11:08

Súkkulaðitertan í Flatey

mbl.is/Albert Eiríksson

Albert Eiríks segir að þetta sé frábær súkkulaðikaka enda kemur hún úr Flatey þar sem hægt er að gæða sér á henni á Hótel Flatey. Elínborg hótelstýra var til í að deila með okkur uppskriftinni og hér er hún. Njótið vel!

Frétt af mbl.is

Albert í alsælu í Flatey

Terta dagsins þegar við vorum í Flatey var súkkulaðiterta með appelsínuberki og -safa. Alveg hreint ljómandi góð og Elínborg var alveg til í að deila uppskriftinni:

Súkkulaðiappelsínuterta

75 g kakó
6 msk. sjóðandi vatn
4 stór egg
225 g sykur
225 g mjúkt smjör, og aðeins meira til að smyrja formið
2 msk. appelsínusafi
225 g hveiti
1 tsk. lyftiduft

Appelsínukaramella

rifinn börkur af tveimur appelsínum
25 g sykur

Brúnið sykurinn á pönnu og bætið berkinum saman við

Súkkulaðikrem

300 ml rjómi
300 g dökkt súkkulaði 70%
2-3 msk mjólk

Hrærið saman kakói og vatni. Þeytið saman egg og sykur svo verði létt og ljóst. Bætið við smjöri, appelsínusafa, hveiti og lyftidufti. Látið loks appelsínukaramelluna saman við. Smyrjið tertuform með smjöri, hellið deiginu í og bakið við 20-25 mín við 175°C (munið að ofnar eru misjafnir)

Kremið: Látið allt í pott og bræðið á lágum hita. Hellið yfir kökuna ´á meðan hún er volg. Skreytið með appelsínum