Það er engin önnur en Halla Bára Gestsdóttir sem á þessa uppskrift sem er eiginlega skyldusmakk. Hún segir að salatið sé sett saman með hráefnin í huga en henni þyki þau fara vel saman og mynda hinn fullkomna bita.
„Þarna kemur ceasar-salat upp í hugann, líka djúpsteiktir kjúklingavængir og gráðaostasósa og þessi stökki og sæti grillaði maís sem á í raun svo vel við margt. Það má bæði grilla kjúklinginn í ofni eða djúpsteikja hann. En ég djúpsteikti hann að þessu sinni og það vakti mikla lukku! Skora á ykkur að prófa þetta salat," segir Halla Bára um salatið.
Kjúklingasalat með ostasósu og grilluðum maís
Grillaður maís:
- 1 msk. repjuolía
- 2 stk. maísstönglar, mega vera fleiri
- smá tabascosósa, ef vilji er til
Salat:
- 1 stk. romain salathaus
- 1 stk. avocado
- Goðdala ostur að eigin vali
Ostasósa:
- 5 msk. sýrður rjómi 18% frá Gott í matinn
- 2 msk. majónes
- 1 msk. ólífuolía
- 2 msk. rjómi frá Gott í matinn
- 1 msk. hvítvínsedik
- 2 msk. dijon sinnep
- 2 msk. rjómaostur með graslauk og lauk
- 2 msk. gráðaostur
- 2 msk. rifinn cheddarostur
- 1 msk. provence-krydd frá Pottagöldrum, eða annað blandað jurtakrydd
Kjúklingur:
- 4 stk. kjúklingabringur, skornar í jafna strimla
- 1 stk. egg, hrært
- salt, pipar og paprikukrydd
- 150 g panko rasp eða annað brauðrasp
Grillaður maís
- Olían er sett á pönnu og hituð.
- Hér má skera fersk maískornin strax af stönglunum áður en þau fara á pönnuna eða steikja fyrst og skafa svo.
- Maískornin eru látin brúnast aðeins á pönnunni og fá á sig grilltóna.
- Tabasco dreypt yfir ef vilji er til að fá smá bit í kornin.
Salat
- Rífið salatið gróft niður og setjið í stóra skál.
- Skerið avokadó niður í sneiðar en ekki setja saman við salatið. Það fer yfir í lokin.
Ostasósa
- Allt hráefnið er sett í matvinnsluvél og hrært vel saman þar til sósan er lungamjúk. Það er líka hægt að hræra og blanda með töfrasprota og svo bara í höndunum!
- Má þynna með meiri rjóma ef þarf.
- Hrærið sósuna saman við salatblöðin í skálinni. Það þarf líklega ekki alla sósuna saman við, gott að geyma og dreypa yfir salatið þegar allt er komið saman.
Kjúklingur
- Setjið kjúklinginn, kryddin og eggið í matvinnslupoka og hristið saman.
- Bætið raspinu saman við og nuddið allt vel saman svo raspið festist á kjúklingnum.
- Hér má annaðhvort djúpsteikja kjúklinginn í repju- eða sólblómaolíu þar til hann er gullinn og eldaður í gegn, eða setja hann í 200 gráðu heitan ofn í 12-15 mínútur.
Samsetning
- Salatinu er raðað saman. Hægt að raða á eitt stórt fat eða gera diska fyrir hvern og einn.
- Salat á disk, avokadó ef vill. Maískorn yfir. Kjúklingur. Ostaflögur. Meiri sósu dreypt yfir. Borið fram.