Hamborgarasósan sem sögð er sú allra besta
Ljósmynd/Gígja S. Guðjónsdóttir
Setja bókamerki
Eldhúsgyðjan Gígja S. Guðjónsdóttir galdrar hér fram einfaldan hamborgara og sósu sem er þess virði að prófa.
„Ef þú vilt komast í sumarskap þá mæli ég með þessum æðislega sumarlega hamborgara beint á grillið. Hamborgarasósan er eins og sósan sem þið fáið á Shake Shack hamborgarastaðnum ef þið þekkið hann. Þið verðið ekki fyrir vonbrigðum. Hún er æðisleg með borgaranum og kartöflunum."
Grillaður hamborgari með bestu sósunni
Fyrir 4 hamborgara
- 4 stórir hamborgarar
- 4 hamborgarabrauð
- Óðals Cheddar-ostur í sneiðum
- salt og pipar
- salatblöð
- rauðlaukur
- 4 sneiðar ananas
Aðferð hamborgari:
- Hamborgararnir eru kryddaðir og fara á grillið á sama tíma og ananassneiðarnar.
- Hamborgarinn er grillaður í um 5-7 mínútur á hvorri hlið og ananasinn í sambærilegan tíma, þið sjáið þegar hann hefur tekið lit.
Innihald sósa:
- 200 gr. rjómaostur frá gott í matinn
- 3 msk. tómatsósa
- 2 msk. gult sinnep
- 2 msk. fínt skornar súrar gúrkur
- 1/2 tsk. hvítlaukssalt
- 1/2 tsk. cayanne-pipar
Aðferð sósa:
- Gúrkurnar skornar smátt og öllu hrært vel saman, fínt að láta standa í nokkra tíma í ísskáp.
Innihald kartöflur:
- 3 meðalstórar grillkartöflur
- olía
- salt og pipar
- timjan
Aðferð kartöflur:
- Kartöflurnar eru skornar langsum í stærð eins og stórar franskar
- Þær eru settar í kalt vatn í um 30 mínútur
- Næst eru þær þerraðar vel og velt upp úr olíu, salti og pipar
- Kartöflurnar eru settar í álbakka og grillaðar í um 15 mínútur
Krefjast stöðvunar framkvæmda
Sex hafa greinst með listeríu
Árshátíð ríkislögreglustjóra haldin í Tékklandi
Eyjafjarðarbraut lokað vegna alvarlegs umferðarslyss
Shakespeare fannst í skókassa
Vélsleðaslys: Þyrlan kölluð út á mesta forgangi