Hið þekkta retró-postulín „Dan-Ild“ er komið aftur í framleiðslu með upprunalegu útliti en nýjum munstrum.

Með haustinu verður hið þekkta klassíska postulínssett af skálum og eldföstum mótum endurgert hjá Lyngby Porcelæn í samvinnu við hönnunarteymið Stilleben. Þess má geta að konurnar sem standa á bak við það teymi hafa komið víða við á ferlinum og gert frábæra hluti.

Það var í kringum 1950 sem hlutirnir breyttust í framreiðslu á mat, þegar ílát og mót sem máttu fara í ofn og beint á borðið urðu vinsæl. Hér hefur Stilleben, í samvinnu við Lyngby Porcelæn, endurhannað vinsæl og falleg ílát sem áður voru skreytt sikksakkmunstri yfir í doppur og línur. Vörulínan inniheldur margar stærðir og gerðir sem ættu að henta við hvert tilefni og auðvelda þér lífið. Vörurnar eru væntanlegar í verslanir í september.

Hönnunarteymið Stilleben sá um að útfæra vörurnar með nýtt útlit. mbl.is/© Lyngby Porcelæn

Tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt