Selena Gomez og K-Pop-hópurinn BLACKPINK gáfu út nýtt lag sem heitir „Ice Cream“ – og Ariana Grande sendi henni frábæra gjöf. Gjöfin var blómvöndur í laginu eins og risastór ís!
Blómvöndurinn var búinn til úr stórum kúlum af bleikum rósum með hvítum rósum í kring – rétt eins og jarðarberjaískúla ofan á vanilluís. Og til að toppa útlitið komu blómin í vasa sem var hannaður til að líta út eins og vöffluform þar sem vanilluísinn bráðnar niður formið.
Selena deildi mynd af blómvendinum (ísnum) á instagramsíðunni sinni og þakkaði Aríönu í bak og fyrir. Þær vinkonurnar eru góðar að styðja við bakið hvor á annarri þegar vel gengur.