Hér gefur að líta alveg hreint dásamlegan pastarétt sem ætti að falla flestum í geð enda fátt betra en ostafyllt tortellini sem er löðrandi í góðgæti.
Það er engin önnur en Berglind Hreiðarsdóttir á Gotteri.is sem á heiðurinn af uppskriftinni.
Pastaréttur með tómötum og mascarpone
6 skammtar
- 700 g ferskt ostatortellini
- 800 g hakkaðir tómatar í dós
- 150 ml rjómi frá Gott í matinn
- 150 g kastaníusveppir
- 1 stk. laukur
- 150 g spínat
- 200 g íslenskur mascarpone frá Gott í matinn
- smjör og ólífuolía til steikingar
- salt, pipar, óreganó, hvítlauksduft
- rifinn Goðdala-Grettir
- fersk basilíka
Aðferð:
- Sjóðið pasta samkvæmt leiðbeiningum. Ef notast er við ferskt pasta tekur það aðeins örfáar mínútur að verða tilbúið.
- Saxið niður lauk og skerið sveppi í sneiðar, steikið upp úr blöndu af smjöri og ólífuolíu þar til mýkist.
- Bætið þá spínati á pönnuna og kryddið til með salti, pipar og hvítlauksdufti.
- Þegar grænmetið er orðið mjúkt má hella tómötum í dós ásamt rjóma yfir og leyfa að malla smá stund.
- Kryddið til eftir smekk.
- Þegar tortellini er tilbúið skal hella því á pönnuna og hræra saman við tómatblönduna.
- Setjið pastað næst í eldfast mót (nema pannan/potturinn megi fara í ofn).
- Rífið vel af Óðals-Gretti yfir allt saman og setjið að lokum vel af mascarponeosti yfir.
Ljósmynd/Berglind Hreiðarsdóttir