Okkar eini sanni Albert Eiríks veit fátt skemmtilegra en að benda samborgurum sínum á staði sem vert er að prófa og nauðsynlegt er að smakka.
Hann var á dögunum staddur á Akranesi þar sem hann mætti til Karenar Jónsdóttur eða Kaju eins og hún er alltaf kölluð. Þar fékk hann meðal annars að smakka á gulrótarkökunni sem hún er löngu orðinn fræg fyrir og féll í stafi.
„Á Akranesi er Karen Jónsdóttir með Matarbúr Kaju sem er með lífrænt vottaðar matvörur bæði eftir vigt og í smásölupakkningum. Café Kaja býður upp á lífrænt kaffi, te og léttar veitingar. Meðal hollra og góðra veitinga á Café Kaja á Akranesi er þessi gulrótaterta. Þið bara verðið að stoppa og fá ykkur sneið," segir Albert og þar sem við hér á Matarvefnum höfum smakkað þessa köku þá tökum við heilshugar undir það.
Ljósmynd/Albert Eiríksson
Gulrótaterta
16 – 20 manna
Tertan er mjög góð glútenlaus en þá notum við bókhveiti í stað hveitis
- 130 g valhnetur brotnar
- 300 g pálmasykur
- 100 g reyrsykur
- 250 ml ristuð valhnetuolía frá Vigean
- 4 egg
- 133 g eplamauk (lífræn epli sett í blandara)
- 1 tsk vanilludropar
- 320 g hveiti notið bókhveiti ef tertan á að vera gluteinlaus
- 1 tsk matarsódi
- 1 ½ tsk kanill
- 1 tsk engifer
- ¼ múskat
- ¼ negull
- 260 g gulrætur
Raspið gulrætur niður frekar gróft. Reyrsykur, pálmasykur og egg þeytt saman. Öllum þurrefnum og hnetum blandað saman í skál. Þurrefnum, olía og eplamauk blandað varlega saman við eggjaþeytuna. Bakist í 50-60 mínútur við 150°C. Kælið áður en kakan er skorin í sundur.
Krem
- 500 g Lífrænn rjómaostur (fáanlegur fljótlega frá Biobú)
- 300 g smör
- 175 g flórsykur
Þeytið smjör og flórsykur saman þar til að blandan verður létt, bætið rjómaostinum út í, skiptið í tvennt og setjið á botnana.
Í kaupbæti er hér fróðleikur frá Kaju:
- Valhnetur og valhnetuolían er ein besta næring sem hægt er að fá fyrir frumur heilans svo og hjarta- og æðakerfi. Valhnetuolía er einnig talin góð fyrir hormónastarfsemina, bólgur og húðina en olían hefur einnig áhrif til lækkunar á blóðþrýstingi. Ristaða valhentuolían frá Vigean gefur tertunni einstakt bragð og áferð og er því ómissandi í þessa uppskrift Olían fæst í Hagkaupum, Melabúinni og Matarbúr Kaju Akranesi.
- Ógerilsneydd egg eru full af góðri næringu, þau eru góður próteingjafi auk þess sem þau innihalda Vítamín D,
- B-12 og B-5 sem eru okkur lífsnauðsyn.
- Gulrætur eru ríkar af Beta-caroten sem lifrin breytir í A vítamín en það er nauðsyn fyrir sjónina og svo eru gulrætur góður andoxari sem heldur okkur ungum lengur.
- Bókhveiti er ríkt af steinefnum má þar helst nefna magnesíumEpli eru full af pektíni sem er gott við háu kólestróli að ógleymdu C vítamíni.
- Kryddin eru öll þekkt sem góðar lækningajurtir ýmist notuð sem forvörn eða til lækninga við hinum ýmsu kvillum.
- Smjörið ríkt af A-vítamín og gefur okkur mikla orku
- Rjómaostur orka og próteingjafi
- Óhollustan liggur í sykrinum en þegar góð næring er grunnurinn þó segir líkaminn fljótlega stopp með öðrum orðum það er ekki hægt að borða mikið af þessari. En í einni sneið eru tæplega 28 til 36 grömm af viðbættum sykri en það er minna magn en í einum 100g hlauppoka sem inniheldur enga næringu.