Súkkulaðibrownie með súkkulaðimús

Ljósmynd/Berglind Guðmundsdóttir

Ef það er einhvern tímann tilefni til að skella í góða köku þá er það akkúrat í dag. Hér er á ferðinni súkkulaðibrownie með kremi sem fær venjulegt fólk til að falla í yfirlið. Það er meistari Berglind Guðmunds á GRGS.is sem á heiðurinn af þessu meistarastykki.

Súkkulaðibrownie með súkkulaðimús
  • 2 1/2 dl hveiti
  • 1 1/2 dl sykur
  • 1 dl Cadbury's-kakó
  • 1 tsk. matarsódi
  • 1/2 tsk. lyftiduft
  • 1 tsk. vanilludropar
  • 1/2 tsk. salt
  • 1 egg
  • 1 1/4 dl kaffi
  • 1 1/4 dl mjólk
  • 1/2 dl olía
  • Súkkulaðikrem
  • 250 ml rjómi
  • 1/2 dl sykur
  • 1/2 dl Cadbury's-kakó
  • 1/2 tsk. vanilludropar

Skraut

  • 1 poki Dumle-karamellur
  • jarðarber
  • bláber

Leiðbeiningar

1. Blandið öllum hráefnum fyrir kökuna saman i hrærivélarskál og hrærið þar til deigið er mjúkt og kekkjalaust.

2. Setjið í smurt bökunarform og bakið í 175°C heitum ofni í 40 mínútur.

3. Takið úr ofni og kælið.

4. Þeytið rjómann og bætið hinum hráefnunum saman við og þeytið þar til kremið er orðið stíft. Setjið þá á kælda kökuna.

5. Skreytið kökuna með berjum og Dumle-karamellum. Geymið kökuna í kæli þar til hún er borin fram.

mbl.is