Hollywoodleikarinn Ryan Reynolds fagnaði 44 ára afmæli sínu nú á dögunum og fékk alls ekki hefðbundna köku frá eiginkonu sinni á afmælisdaginn.

Það var ósk Ryans að fá böku í stað hefðbundinnar afmælisköku, og eiginkona hans Blake Lively varð við þeirri ósk er hún færði honum bökuna með níu kertum á – sem var allt hugsað á léttu nótunum.

Blake Lively, fyrrverandi Gossip Girl-stjarna, birti myndir af eiginmanni sínum á Instagram og varpaði fram tveimur spurningum í leiðinni: „Hvaða týnda sál biður um böku á afmælisdaginn sinn og hvaða dýr borðar bökuna sína án þess að slökkva fyrst á kertunum?“ En á meðfylgjandi mynd má sjá Ryan gúffa í sig kökubita með kertinu ennþá á.

En þetta er ekki allt, því Blake skreytti eldhúsið með vistvænum blöðrum í formi ávaxta með skrautborða um sig miðja. Það vantar í það minnsta ekki upp á húmorinn hjá þessu stjörnupari sem fer ekki mikið út í glamúrinn á afmælisdögum.