Mögulega er skemmtilegasti tími ársins að ganga í garð – jólin! Einhverra hluta vegna eigum við aldrei nóg af punti og öðru tilfallandi jólaskrauti, en H&M Home var að kynna jólanýjungar sem aldrei fyrr og við látum freistast.

H&M Home býður jólin velkomin í ár með fallegu jólaskrauti, glæstu matarstelli og ilmkertum sem anga eins og aðventan. Sænska verslunarkeðjan segir jólavörurnar marka nýja tíma um hefðir þar sem fjölskyldan er í fyrirrúmi. Nú sé tími til að fagna öllu smávægilegu  og njóta þess að eiga afslappandi upplifanir heima fyrir með þeim sem maður elskar – og vera góð hvert við annað. 

Vörurnar eru að lenda í verslunum H&M þessa dagana, og detta meira og meira inn á komandi vikum.